1 ա Ինձ ստութիւնով պաշարել է Եփրեմը, եւ նենգութիւնով՝ Իսրայէլի տունը. Բայց Յուդան տակաւին տիրում է Աստուծով, եւ հաւատարիմ է սուրբերի հետ։ 2 Եփրեմը բ քամի է արածում, եւ արեւելեան քամիի ետեւից գնում. Ամեն օր ստութիւնն ու աւերումը շատացնում է, եւ գ դաշինք են դնում Ասորեստանի հետ, եւ դ իւղ են տանում Եգիպտոս։ 3 Եւ ե Յուդայի հետ էլ վէճ ունի Տէրը, եւ պիտի այցելէ Յակոբին նորա ճանապարհներին համեմատ, նորա գործերին համեմատ պիտի հատուցանէ նորան։ 4 զ Արգանդումը բռնեց եղբօր գարշապարիցը, եւ իր ոյժովը է գօտեմարտեց Աստուծոյ հետ։ 5 Եւ գօտեմարտեց հրեշտակի հետ եւ յաղթեց, լաց եղաւ եւ աղաչանք արաւ նորան. ը Բեթէլումը գտաւ նորան, եւ այնտեղ խօսեց մեզ հետ, 6 Այսինքն Տէրը՝ Զօրաց Աստուածը, թ որի յիշատակը Եհովայ է։ 7 ժ Եւ դու քո Աստուծուն դարձիր, ողորմութիւն եւ իրաւունք պահիր, եւ ի քո Աստուծուն յուսա միշտ։
8 Եփրեմը վաճառական է. լ նորա ձեռքին խաբէութեան կշիռք կայ, նա սիրում է հարստահարել։ 9 Բայց Եփրեմն ասում է. խ Իրաւ հարստացայ, ինձ համար ստացուածք գտայ. Իմ բոլոր վաստակներումը մի անօրէնութիւն չեն գտնիլ որ մեղք լինի։ 10 Բայց ես ծ քո Տէր Աստուածն եմ Եգիպտոսի երկրիցը, կ դեռ քեզ վրանների մէջ եմ բնակեցնելու հանդիսաւոր օրերի պէս։ 11 հ Որովհետեւ ես խօսեցի մարգարէների հետ, եւ շատացրի տեսիլքները. Եւ մարգարէների ձեռով առակախօսութիւն արի։ 12 ձ Անշուշտ անօրէն է Գաղաադը, իրաւ ունայն են դառել. ղ Գաղգաղայումն արջառներ մորթեցին, ճ նորանց սեղաններն էլ քարակոյտների նման են արտի ակօսների վերայ։
13 Եւ մ Յակոբը փախաւ Ասորիների դաշտը, եւ յ Իսրայէլը ծառայեց կնոջ համար, եւ կնոջ համար հօտերի պահապան եղաւ։ 14 Եւ ն մի մարգարէով Տէրը վեր հանեց Իսրայէլին Եգիպտոսից, եւ մի մարգարէով նա պահպանուեցաւ։ 15 շ Եփրեմը դառնապէս բարկացրեց Աստուծուն, եւ նորա արիւնը նորա վերայ պիտի թափէ, եւ ո նորա նախատինքը նորան ետ պիտի դարձնէ չ նորա Տէրը։
Ովսե 12